ఐపీఎల్‌లో తొలి మ్యాచ్‌ భారత కాలమానం ప్రకారం మధ్యాహ్నం 3:30 గంటలకు, రెండో మ్యాచ్‌ రాత్రి 7:30 గంటల నుంచి జరుగుతాయి. లీగ్‌లో రెండేసి మ్యాచ్‌లు అనేది 10 రోజులే జరుగుతాయి. ఇక్కడ రెండో మ్యాచ్‌తోనే బిగ్బాస్ షోకు ఇబ్బంది. సాధారణంగా క్రికెట్‌కు ఫ్యాన్స్‌ ఎక్కువ కాబట్టి, బిగ్బాస్ షో వ్యూయర్‌షిప్‌ను కోల్పోయే ప్రమాదం ఉంది.
ఈ సీజన్ ఐపీఎల్-13 సీజన్ జరుగుతుందని తెలిసినప్పటికీ బిగ్బాస్ యాజమాన్యం సాహసించి నిర్ణయం తీసుకుంది. దీనిపై తొలుత తర్జన భర్జనలు పడిన తర్వాతే నిర్ణయం తీసుకున్నట్లు తెలిసింది. ఒకవేళ ఐపీఎల్ అయిన తర్వాత బిగ్బాస్ షోను నిర్వహించాలంటే రెండు నెలలు ఆగాల్సి వస్తుందనే కారణంతోనే యాజమాన్యం చివరకు షోను నిర్వహించడానికే ముందుడగు వేసింది.
