మరొక్క 25 పరుగులు చేసి ఉంటే టీ20 చరిత్రలో అరుదైన రికార్డును సాధించేవాడా అరివీర భయంకర బ్యాట్స్మన్. ప్రపంచ టీ20 చరిత్రలో 10వేల పరుగులు సాధించిన తొలి బ్యాట్స్‌మన్‌గా రికార్డు సృష్టించే అవకాశం కనుచూపు మేరలో కనిపిస్తోంది. కాని దురదృష్టం అతడిని వెన్నాడింది. రాయల్ చాలెంజర్స్ బెంగళూరు జట్టులోంచే అతడిని పక్కన పెట్టారు. ఐపీఎల్‌ టోర్నీలో విధ్వంసక ఆటకు మారుపేరైనా క్రిస్ గేల్ రికార్డుకు అతి సమీపంలోకి వచ్చి నిలిచిపోయాడు.
కెరీర్‌లో ఇప్పటి వరకు 288 టీ20లు ఆడిన గేల్ 9,975 పరుగులు సాధించాడు. ఎవరికీ సాధ్యం కాని రీతిలో ఏకంగా 18 శతకాలు బాదాడు. రాయల్ ఛాలెంజర్స్ బెంగళూరు సోమవారం రాత్రి కింగ్స్ ఎలెవన్‌ పంజాబ్‌తో తలపడినప్పుడు ఈ మ్యాచ్‌లో గేల్ 25 పరుగులు చేసి ఉంటే చరిత్రలో చిరస్మరణీయంగా నిలిచేవాడు. కానీ అతిడి దురదృష్టం కాబోలు.. రాయల్ ఛాలెంజర్స్ బెంగళూరు సంచలన నిర్ణయం తీసుకుంది. విండీస్ స్టార్ బ్యాట్స్మన్ క్రిస్ గేల్‌ను పక్కన పెట్టింది.
అతని స్థానంలో సఫారీ డ్యాషింగ్ బ్యాట్స్మన్ ఏబీ డివిలియర్స్ జట్టులోకి వచ్చాడు. గాయం కారణంగా తొలి రెండు మ్యాచ్‌లకు డివిలియర్స్ దూరమయ్యాడు. గేల్ మరో 25 టీ 20లో 10 వేల పరుగులకు కేవలం 25 పరుగుల దూరంలో ఉన్నాడు. ఇండోర్‌లో కింగ్స్ లెవెన్ పంజాబ్‌తో జరుగుతున్న మ్యాచ్‌లో ఆ రికార్డు సృష్టిస్తాడని అనుకున్నా అతనికి ఆ అవకాశం దక్కలేదు.
