అందులో భాగంగానే వారు 5జి సేవలను వినియోగదారులకు అందుబాటులోకి తెచ్చేందుకు అవసరమైన హార్డ్‌వేర్‌ను, టవర్లను సమకూర్చుకుంటున్నారు. అయితే 5జి టెక్నాలజీ వల్ల పర్యావరణానికే కాక మనుషులకు తీవ్రమైన హాని కలుగుతుందని, కనుక 5జి రాకుండా ఆపాలని కోరుతూ ప్రముఖ బాలీవుడ్ నటి జూహీ చావ్లా ఢిల్లీ హైకోర్టులో కేసు వేశారు.
5జి వల్ల పర్యావరణానికి విపరీతమైన హాని కలుగుతుందని జూహీ చావ్లా పేర్కొన్నారు. ఇంతకు ముందు వచ్చిన టెక్నాలజీల కన్నా 5జి టెక్నాలజీ వల్ల మరింత రేడియేషన్ పెరుగుతుందని, అది పిల్లలు, మహిళలు, వృద్ధులపై ఎక్కువగా ప్రభావం చూపించే అవకాశం ఉందని తమ అధ్యయనాల్లో తేలిందని వివరించారు. అందువల్ల దేశంలో 5జి టెక్నాలజీ రాకుండా చూడాలని కోరుతూ ఆమె హైకోర్టును ఆశ్రయించారు.
అయితే ఆమెకు ఇలా చేయడం కొత్తేమీ కాదు, గతంలోనూ ఆమె పర్యావరణ పరిరక్షణ నిమిత్తం అనేక కార్యక్రమాల్లో పాల్గొన్నారు. అందులో భాగంగానే తాజగా 5జి టెక్నాలజీని రాకుండా ఆపాలని పిటిషన్ వేశారు. మరి కోర్టు ఏమంటుందో చూడాలి.
