ఫోన్ మార్కెట్ విపరీతంగా పెరిగిపోయింది. దీనికి కారణం వేరే చెప్పక్కర్లేదు. అటు రిలయన్స్ jio, ఇటువైపు ఎయిర్ టెల్, వొడాఫోన్, ఐడియా... తదితర కంపెనీలు వాయిస్ కాల్స్, ఇంటర్నెట్ సౌకర్యాన్ని కారుచౌకగా ఇస్తుండటంతో ఇపుడంతా స్మార్ట్ ఫోన్లను కొనేందుకు ఎగబడుతున్నారు.
ఈ నేపధ్యంలో ఫోన్ కంపెనీలు కూడా తమవంతు ఆకర్షణ మొదలెట్టేశాయి. సమ్మర్ సేల్ సందర్భంగా ఫోన్ల ధరల్లో డస్కౌంట్ ఇస్తున్నాయి. తాజాగా రెడ్ స్పెషన్ ఎడిషన్ ఐ ఫోన్ 7, ఐఫోన్ 7 ప్లస్ ఫోన్లను అమెజాన్, ఫ్లిప్‌కార్ట్‌ల ద్వారా కొనుగోలు చేసేవారికి రూ. 4000 మేర డిస్కౌంట్ ప్రకటించారు. ఐతే ఇది పరిమిత కాలం వరకు మాత్రమే వర్తిస్తుందని వెల్లడించారు.
కాగా ఈ ఫోన్లు ఎరుపు రంగులో చూసేందుకు ఆకర్షణీయంగా వున్నాయి. 128 జీబీ, 256 జీబీ అంతర్గత మెమొరీ సామర్థ్యం కలిగిన ఈ ఫోన్ల ధరలు 4 వేలు తగ్గించగా వరుసగా రూ. 66,000 మరియు రూ. 78,000గా వున్నాయి.
