ప్రముఖ మొబైల్ ఫోన్ల తయారీ కంపెనీ శాంసంగ్‌కు మరో గట్టిషాక్ తగిలింది. తమ విమానాల్లో శాంసంగ్ గెలాక్సీ నోట్ 7 మొబైల్స్‌ను నిషేధిస్తున్నామని స్వదేశీ విమానయాన సంస్థ విస్తారా ప్రకటించింది. క్యాబిన్ బ్యాగ్స్‌లోనే కాదు చెక్ ఇన్ బ్యాగేజ్, కార్గోలో కూడా ఈ ఫోన్లు ఉంచుకోవడానికి వీల్లేదని తేల్చి చెప్పింది.
మొబైల్‌లోని ని బ్యాటరీలు పేలుతున్నాయని, అంటుకుంటున్నాయని వార్తలు వస్తున్న నేపథ్యంలోనే, విమానయాన సంస్థలు ఈ నిర్ణయం తీసుకుంటున్నాయి. మరోవైపు... మలేషియన్ ఎయిర్‌లైన్ సంస్థ ఎయిర్ ఏషియా కూడా గెలాక్సీ నోట్ 7ను బ్యాన్ చేస్తున్నామంటూ ఆదివారం ప్రకటించిన విషయం తెల్సిందే.
