రోజుకో కొత్త ఫీచర్‌ను ప్రవేశపెడుతూ నెటిజన్లను ఆకట్టుకుంటున్న వాట్సప్.. ''మెస్సేజ్ రీకాల్" పేరుతో వ్య‌క్తిగతంగా గానీ, గ్రూప్‌లో గానీ పొరపాటున పంపిన మెసేజ్లను తొలగించే అవ‌కాశాన్ని ఈ ఫీచర్ ద్వారా అందుబాటులోకి తీసుకువ‌చ్చింది. కేవ‌లం టెక్ట్స్‌ సందేశాలు మాత్రమే కాకుండా ఫొటోలు, జిఫ్‌ ఫైల్స్‌, వీడియోలు, కాంటాక్ట్‌లను కూడా ఈ ఫీచర్ ద్వారా రీకాల్ చేసుకోవచ్చు.
కానీ ఈ ఫీచర్‌ను ప్రయోగాత్మకంగా కొంతమంది యూజర్లకు మాత్రమే పరిమితం చేస్తున్నట్లు వాట్సాప్ ప్రకటించింది. వారి ఫీడ్‌బ్యాడ్ ఆధారంగా ద‌శ‌ల వారీగా ఈ ఫీచర్‌ను అమలు చేసేందుకు సన్నాహాలు చేస్తున్నట్లు తెలిపింది. అయితే గ్రూప్‌లో మెసేజ్లను మాత్రం ఎవ‌రూ చ‌ద‌వ‌క‌ముందే రీకాల్ చేసుకోవాలి. ఒక్క‌రు చ‌దివినా ఆ సందేశాన్ని రీకాల్ చేసుకోలేరని వాట్సాప్ వెల్లడించింది.
