జూమ్ లాంటి ఇతర వీడియో ప్లాట్ ఫాంలకు ధీటుగా ఫేస్‌బుక్ గత నెలలో వీడియో కాన్ఫిరెన్స్ టూల్ లాంచ్ చేసింది. ఇప్పుడు దాన్ని వాట్సప్ వెబ్ వర్షన్‌లోనూ చూడబోతున్నట్లు ప్రకటించింది. తాజాగా వాట్సాప్ వెబ్‌లో వీడియో కాల్స్ సౌకర్యాన్ని అందుబాటులోకి తేనుంది. వాట్సప్ వెబ్ వర్షన్ 2.2019.6 ద్వారా ఈ ఫీచర్ అందుబాటులోకి వస్తుంది.
మెసేంజర్ రూంల ద్వారా ఫ్యామిలీ, ఫ్రెండ్స్‌తో కనెక్ట్ అవ్వొచ్చని.. అది కూడా పీసీలు, ల్యాప్‌టాప్‌ల నుంచే కుదురుతుందని వాట్సాప్ ఓ ప్రకటనలో వెల్లడించింది. ఈ ఆప్షన్ అటాచ్ బటన్ పక్కనే ఇతర ఆప్షన్లతో పాటు కనిపిస్తుందని సమాచారం. ఈ న్యూ వర్షన్ యూజర్లందరికీ అందుబాటులో లేదు.
