పాపాలను పోగొట్టే శ్రీరామా..!
శుక్రవారం, 19 సెప్టెంబరు 2008 (12:32 IST)
శ్రీరమణీయహార యతసీ కుసుమాభశరీర, భక్త మం
దార, వికారదూర, పరతత్త్వవిహార త్రిలోక చేతనో
దార, దురంత పాతక వితాన విదూర, ఖరాది దైత్యకాం
తార కుఠార భద్రగిరి దాశరథీ కరుణాపయోనిధీ.
తాత్పర్యం :
హారములు కలిగినవాడవు, అవిసె పూవులాంటి శరీరకాంతి గలవాడవు, భక్తులకు కల్పవృక్షానివి, వికారములు లేనివాడవు, దేవతా తత్త్వమందు విహరించువాడవు, మూడులోకముల గల ప్రాణులను పోషించువాడవు, పాపముల పోగొట్టువాడవు, ఖరాది రాక్షసారణ్యమునకు గొడ్డలిలాంటి వాడవు అంటూ... శ్రీరామచంద్రుని భక్త రామదాసు కీర్తించాడు.
