మండ్యలోని హనకెరె గ్రామంలో వివేక విద్యాసంస్థలో 9వ తరగతి చదువుతున్న ఇంపానా అనే 14 ఏళ్ల బాలిక ఆదివారం తన నివాసంలో ఉరివేసుకుని ఆత్మహత్యకు పాల్పడింది. నలుగురు మైనర్ బాలురు వేధింపుల వల్లే ఇంపానా ఆత్మహత్యకు పాల్పడిందని ఆమె తండ్రి శ్రీనివాస్ మండ్య రూరల్ పోలీసులకు ఫిర్యాదు చేశారు.
వివరాల్లోకి వెళితే.. హనకెరె గ్రామానికి చెందిన బాలురు-ఇద్దరు, కచ్చిగెరె గ్రామానికి చెందిన ఒకరు, మల్లయనదొడ్డి గ్రామానికి చెందిన మరొకరు తమలో ఒకరి ప్రేమను అంగీకరించాలని ఒత్తిడి చేస్తూ ఇంపానాను నిరంతరం వేధించారని బాధితురాలు సూసైడ్ నోట్‌లో వెల్లడించింది.
గత రెండు రోజులుగా, ఈ అబ్బాయిలు విద్యార్థి ఈవెంట్‌లు జరిగే స్పోర్ట్స్ గ్రౌండ్‌లో ఆమెను వేధించారు. ఇలా
నిరంతర వేధింపులను తట్టుకోలేక ఇంపానా తన జీవితాన్ని అంతం చేసుకునేందుకు తీవ్ర నిర్ణయం తీసుకుంది. ఈ ఆరోపణలపై మండ్య రూరల్ పోలీసులు కేసు నమోదు చేసి ప్రస్తుతం దర్యాప్తు చేస్తున్నారు.
