కామాంధులకు వయసుతో సంబంధం లేదు. తన కుమార్తె వయసున్న ఓ యువతిపై ఓ వైద్యుడు లైంగిక దాడికి పాల్పడ్డాడు. తన వద్ద నర్సుగా పనిచేస్తున్న యువతిని బెదిరించి లొంగదీసుకుని ఆమెపై గత కొన్ని నెలలుగా అత్యాచారం చేస్తున్నాడు. వివరాల్లోకి వెళితే... ముంబై శివారు కల్యాణ్ ప్రాంతంలో అన్సారీ అనే డాక్టర్ వైద్యాలయాన్ని నడుపుతున్నాడు. కుటుంబ భారం తనపై పడటంతో మైనర్ బాలిక ఆ ఆసుపత్రిలో నర్సుగా చేరింది.
తొలుత పెద్దగా పట్టనట్లు వున్న అన్సారీ ఆ తర్వాత మెల్లిగా తన కోర్కె తీర్చాలంటూ వేధించడం మొదలుపెట్టాడు. ఆమె ప్రతిఘటించగా ఉద్యోగం నుంచి తీసేస్తానంటూ బెదిరింపులకు పాల్పడ్డాడు. ఉద్యోగం పోతే తనపై ఆధారపడి బ్రతుకుతున్న కుటుంబ సభ్యుల జీవితం చెల్లాచెదురవుతుందని, ఆమె లొంగిపోయింది. దీనితో వైద్యుడు ఆమెపై అఘాయిత్యానికి పాల్పడుతూ వస్తున్నాడు. ఈ క్రమంలో పక్కనే వున్న మందుల షాపు ఓనర్ దిల్షాద్ ఓ రోజు ఈ ఘటనను వీడియోలో బంధించాడు.
ఆ తర్వాత ఆ వీడియో తీసి తన కోర్కె తీర్చకపోతే దానిని బయటపెడతానంటూ అతడు కూడా వేధించడం మొదలుపెట్టాడు. ఆ వేధింపులు భరించలేని బాధితురాలి విషయాన్ని తన తల్లిదండ్రులకు చెప్పింది. దీనితో వారు పోలీసులకు ఫిర్యాదు చేశారు. పోలీసులు అన్సారీని అరెస్టు చేసి అతడిపై అత్యాచారం కేసు నమోదు చేశారు. మందుల షాపు ఓనర్ పరారీలో వున్నాడు.
