జమ్మూకాశ్మీర్ రాష్ట్రంలో ఉగ్రవాదులు దారుణానికి పాల్పడ్డారు. ప్రభుత్వ పాఠశాలలో పని చేసే ఇద్దరు ఉపాధ్యాయులతో పాటు.. ఓ కెమిస్ట్‌ను అతి దారుణంగా చంపేశారు. మృతుల్లో ఒక మహిళా టీచర్ కూడా ఉన్నారు. ఒక‌రు క‌శ్మీరీ పండిట్ కాగా, మ‌రొక‌రు సిక్కు మ‌హిళ‌గా గుర్తించారు.
మరోవైపు, ఈ హత్యలను నేష‌న‌ల్ కాన్ఫ‌రెన్స్ నేత, మాజీ సీఎం ఒమ‌ర్ అబ్దుల్లా ఖండించారు. అనాగ‌రిక చ‌ర్య‌కు టీచ‌ర్లు బ‌ల‌య్యార‌ని, వారి ఆత్మ‌కు శాంతి చేకూర్చాల‌ని ప్రార్థిస్తున్న‌ట్లు ఒమ‌ర్ ఓ ట్వీట్ చేశారు.
అలాగే, ఉగ్ర‌వాదుల కాల్పుల్లో మంగ‌ళ‌వారం మృతిచెందిన వారిలో ఓ వీధి వ్యాపారి ఉన్నాడు. బండిపురాలో ట్యాక్సీస్టాండ్ అధ్య‌క్షుడు మ‌హ‌మ్మ‌ద్ ష‌ఫీని కూడా ఉగ్రవాదులు చంపేశారు. వీధి వ్యాపారిని బీహార్‌కు చెందిన వీరేంద్ర పాశ్వాన్‌గా గుర్తించారు.
