అయితే ఈ చిత్రంలో అంబేద్కర్ ధోతీ, చొక్కా ధరించి, కుర్చీపై కూర్చొని ఉన్నారు. చూస్తుంటే కేరళకు చెందిన సవర్ణ హిందువుగా అంబేద్కర్ కనిపిస్తారు. దీంతో అంబేద్కర్ వాదుల నుంచి ఇతర వర్గాల నుంచి పెద్ద ఎత్తున విమర్శలు వస్తున్నాయి.
''భూస్వామిగా, సవర్ణ హిందువుగా అంబేద్కర్ని చూపించడం నేరం. మానవత్వం కోసం ఆయన చేసిన పోరాటాన్ని ఇది అవమానించడమే. ఇది అంబేద్కరిజంపై జరిగిన దాడి'' అని నెటిజెన్లు అంటున్నారు. ప్రస్తుతం ఈ వివాదం నెట్టింట వైరల్ అవుతోంది.
