వివరాల్లోకి వెళితే.. తాను ప్రయాణిస్తున్న బస్సులో రద్దీ ఎక్కువగా ఉన్న వేళ, ప్యాసింజర్లను సర్దే క్రమంలో మహిళలను అసభ్యంగా తాకుతున్న కండక్టర్ చెంప వాయించింది.. ఓ యువతి. అంతేనా, ఆ ఘటనను ఫేస్ బుక్‌లో పంచుకోగా, పోలీసులు స్పందించారు. కేసు కూడా నమోదు చేశారు.
ఈ నెల 18న కటక్‌లో పని ముగించుకుని తిరుగు ప్రయాణంలో భువనేశ్వర్‌కు బయలుదేరిన యువతి రద్దీగా ఉండే బస్సులో ఎక్కేసింది. బస్సు కిటకిటలాడుతుండగా, మహిళా ప్రయాణికులను లక్ష్యంగా చేసుకుని కండక్టర్ అభ్యంతరకరంగా తాకుతున్నాడని గుర్తించింది. ఆమెకు కూడా అదే పరిస్థితి తలెత్తడంతో.. ఇక లాభం లేదనుకుని ధైర్యంగా ప్రవర్తించింది. అతని చెంప వాయించింది.
