కాగా, దుండగలు తన ఇంటిపై దాడి జరిపిన ఫోటోలు, వీడియోలను సల్మాన్ ఖుర్షీద్ సామజిక మాధ్యమమైన 'ఫేస్‌బుక్‌'లో పోస్ట్ చేశారు. ఇదేనా హిందుత్వమంటే అని ప్రశ్నించారు. సిగ్గు అనే పదం కూడా సిగ్గుపడేలా ఈ చర్య ఉందని అన్నారు. ఆయన పోస్ట్ చేసిన వీడియోల్లో ఒక వీడియోలో కొందరు బీజేపీ జెండా ఊపుతూ 'జై శ్రీరామ్' నినాదాలు చేస్తున్నట్టు కనిపిస్తోంది.
శశిథరూర్ ఖండన..
సల్మాన్ ఖుర్షీద్ ఇంటిపై దాడి ఘటనను కాంగ్రెస్ ఎంపీ శశిథరూర్ ఓ ట్వీట్‌లో ఖండించారు. దేశం పట్ల తనకున్న విజన్‌ను గర్వించదగిన రీతిలో అంతర్జాతీయ వేదకలపై కూడా చాటిన రాజనీతిజ్ఞుడు సల్మాన్ ఖుర్షీద్ అని, ఆయన ఇంటిపై దాడి జరపడం అమర్యాదకరమని అన్నారు. రాజకీయాల్లో పెరుగుతున్న అసహనాన్ని అధికారంలో ఉన్న వాళ్లు తప్పనిసరిగా ఖండించాలని అన్నారు.
