కొంతమంది వైద్యులు తమ విధుల్లో నిర్లక్ష్యపూరితంగా వ్యవహరిస్తుంటారు. ఇలాంటి చర్యల వల్ల కొన్ని సమయాల్లో ప్రాణాలు పోతుంటాయి. మరికొందరు వికలాంగులుగా మారుతుంటారు. తాజాగా ఓ వ్యక్తికి మెడలో వచ్చిన కణితిని తీయబోయి.. పుర్రెను పగులగొట్టారు. దీంతో ఆ వ్యక్తి తలకు ఒకవైపు పుర్రె లేకుండా పోయింది. ఈ సంఘటన మధ్యప్రదేశ్ రాష్ట్రంలోని భోపాల్‌లో జరిగింది.
ఈ వివరాలను పరిశీలిస్తే, మధ్యప్రదేశ్ రాష్ట్రం ఉజ్జ‌యిని ప్రాంతానికి చెందిన కీర్తి పార్మ‌ర్ త‌ర‌చూ త‌ల తిరిగిన‌ట్లుగా, వాంతికి వ‌చ్చిన‌ట్లుగా అనిపించ‌డంతో ఇండోర్‌లోని ఓ ప్రైవేట్ ఆస్ప‌త్రి వైద్యుల‌ను సంప్ర‌దించాడు.
ప్ర‌స్తుతం కీర్తి పార్మ‌ర్ కుడివైపు పుర్రె భాగం లేకుండానే దిన‌దిన గండం నూరేళ్ల ఆయుష్షు అన్న‌ట్లుగా కాలం వెల్ల‌దీస్తున్నాడు. కుడివైపు మెదుడు భాగంపై కేవ‌లం పైచ‌ర్మం మాత్ర‌మే అచ్చాద‌న‌గా ఉండ‌టంతో.. ఏ చిన్న దెబ్బ త‌గిలినా ప్రాణాలు పోతాయ‌న్న భ‌యంతో నిత్యం గ‌డ‌పాల్సి వ‌స్తున్న‌ది. కీర్తి పార్మ‌ర్ అవ‌స్థ చూడ‌లేక అత‌ని కుటుంబ‌స‌భ్యులు ఆవేద‌న చెందుతున్నారు.
