ఉత్తర భారతంలో కుంభవృష్టి కురుస్తుంది. దీంతో అనేక రాష్ట్రాలు జలదిగ్బంధంలో చిక్కుకున్నాయి. దీంతో పండితులు పెట్టిన ముహూర్తానికే పెళ్లి చేసుకునేందుకు ఓ జంట సిద్ధమైంది. అంతే.. వర్షం సాక్షిగా జంట ఒక్కటైంది. వర్షం కారణంగా వీడియో కాన్ఫరెన్స్ ద్వారా పెళ్లి తంతు ముగిసింది. ఈ వివరాలను పరిశీలిస్తే,
హిమాచల్ ప్రదేశ్ రాష్ట్ర రాజధాని సిమ్లా జిల్లాలోని కోటఘర్ ప్రాంతానికి చెందిన ఆశిష్ సింఘాకు, కులు జిల్లాలోని భుంతార్ ప్రాంతానికి చెందిన శివానీ ఠాకూర్‌కు పెళ్లి జరిపించాలని కొద్ది రోజుల క్రితం పెద్దలు ముహూర్తం నిర్ణయించారు. ఇందుకోసం ముందుగానే అన్ని ఏర్పాట్లు చేసుకున్నారు.
అయితే, గత కొద్ది రోజులుగా వర్షాలు కురుస్తుండటంతో వరదలు తలెత్తాయి. దీంతో రాష్ట్రంలో వరదల ధాటికి రోడ్లు కొట్టుకుపోగా.. మరికొన్ని చోట్ల కొండచరియలు విరిగిపడి రహదారులు మూసుకుపోయాయి. అలానే, కులు ప్రాంతంలో జనజీవనం స్తంభించిపోయింది.
