కృత్రిమ గర్భధారణ భారతదేశంలో గణనీయంగా పెరుగుతోంది. ఇది భారతదేశ జనాభా భవిష్యత్తుపై ప్రభావం చూపుతుందని గురువారం ప్రపంచ ఐవీఎఫ్ దినోత్సవం సందర్భంగా నిపుణులు తెలిపారు. ప్రతి సంవత్సరం జూలై 25న ప్రపంచ ఐవీఎఫ్ దినోత్సవాన్ని జరుపుకుంటారు. భారతదేశంలో 15-20 మిలియన్ల జంటలు సంతానలేమిని కలిగి ఉన్నారు. పురుషుల సంతానోత్పత్తి దీనికి 40 శాతం దోహదం చేస్తుంది. ఈ దేశంలో ఒక దశాబ్దానికి పైగా పురుషుల వంధ్యత్వం స్థిరంగా పెరగుతుండటాన్ని గమనించామని బెంగళూరులోని క్లౌడ్‌నైన్ హాస్పిటల్ వైద్యులు అశ్విని ఎస్ తెలిపారు. ప్రపంచ ఆరోగ్య సంస్థ ప్రకారం, ప్రపంచవ్యాప్తంగా ఆరుగురిలో ఒకరు తమ జీవితకాలంలో వంధ్యత్వాన్ని అనుభవిస్తారు.
భారతదేశంలో వంధ్యత్వానికి గల కారణాలలో పాలిసిస్టిక్ ఓవరీ సిండ్రోమ్ (PCOS), 22.5 శాతం మంది మహిళలను ప్రభావితం చేయడం, పెరుగుతున్న మాదకద్రవ్యాల దుర్వినియోగం, జీవనశైలిలో మార్పులు, లైంగికంగా సంక్రమించే ఇన్‌ఫెక్షన్ల పెరుగుదల వంటివి ఉన్నాయి. అధిక స్థాయి వాయు కాలుష్యం, టాక్సిన్స్‌కు గురికావడం వంటి పర్యావరణ కారకాలు స్పెర్మ్‌లో ఉన్న డీఎన్ఏని మార్చగలవు" అని వైద్యులు అశ్విని చెప్పారు.
అదనంగా, ఎక్కువ మంది పట్టణ జంటలు కూడా వృత్తిపరమైన కట్టుబాట్ల కారణంగా ఆలస్యంగా వివాహాన్ని ఎంచుకుంటున్నారు. ఇది ఆలస్యమైన పేరెంట్‌హుడ్‌కు దారి తీస్తుంది. ఎందుకంటే పురుషుల వయస్సుతో, స్పెర్మ్ కౌంట్, చలనశీలత తగ్గుతుంది. ఇది గర్భం దాల్చడం కష్టతరం చేస్తుంది. సుమారు 27.5 మిలియన్ల వివాహిత జంటలు గర్భం దాల్చడానికి కష్టపడుతున్నప్పటికీ, ప్రతి సంవత్సరం కేవలం 2,75,000 మంది మాత్రమే ఐవీఎఫ్ చికిత్సలకు గురవుతున్నారు" అని వైద్యులు చెప్తున్నారు.
ప్రధానంగా యువ జనాభాతో దేశం జనాభా ప్రయోజనాన్ని పొందుతున్నప్పటికీ, పెరుగుతున్న వంధ్యత్వం.. ఇది ఇతర ఆసియా దేశాలలో వృద్ధాప్య జనాభాతో కనిపించే విధంగా జనాభా సమస్యలకు దారితీస్తుంది" అని చెప్పారు. నిశ్చల జీవనశైలి, ఒత్తిడి కారణంగా మగ వంధ్యత్వం ముఖ్యంగా పట్టణ ప్రాంతాల్లో పెరుగుతోంది. ఇది హార్మోన్ల సమతుల్యతను ప్రభావితం చేస్తుంది. దీనివల్ల స్పెర్మ్ కౌంట్, నాణ్యతలో సమస్యలు ఏర్పడతాయి. 2000 నుండి క్షీణిస్తున్న స్పెర్మ్‌కౌంట్ రేటు సంవత్సరానికి 2.6 శాతానికి పెరగడంతో ఇది మరింత ప్రముఖంగా మారింది.
