మాజీ భార్య నగ్న వీడియోలను నెట్లో పెట్టిన మాజీ భర్త...

తన నుంచి విడాకులు తీసుకుని వేరే యువకుడిని పెళ్లి చేసుకుని సంతోషంగా వుండటాన్ని అతడు జీర్ణించుకోలేకపోయాడు. దాంతో అతడు ఆమెతో ఏకాంతంగా గడిపిన పడక గది దృశ్యాలను నెట్లో పెట్టి పైశాచిక ఆనందం పొందాడు. ఈ వీడియోలను చూసిన సదరు యువతి షాక్ తిన్నది. వెంటనే పోలీసులకు ఫిర్యాదు చేసింది. 

వివరాల్లోకి వెళితే... మహరాష్ట్రలోని పూణెకి చెందిన యువతి గోవాకు చెందిన యువకుడిని పెళ్లాడింది. వారిద్దరూ రెండేళ్లపాయు హాయిగా వున్నారు. కానీ ఈ ఏడాది ప్రారంభంలో ఇద్దరి మధ్య భేదాభిప్రాయాలు తలెత్తడంతో విడాకులు తీసుకున్నారు. ఆ తర్వాత ఆమె కొన్ని రోజుల తర్వాత పుణెలోనే ఓ యువకుడిని వివాహం చేసుకుంది. ఇది చూసిన మాజీ భర్త ఓర్వలేకపోయాడు. ఆమెను పెళ్లాడినప్పుడు పడకగదిలో గడిపిన దృశ్యాలను నెట్లో పెట్టేశాడు. 

వీటిని చూసిన సదరు యువతి పోలీసులకు ఫిర్యాదు చేసింది. నిందితుడిని అరెస్టు చేస్తామని పోలీసులు తెలిపారు.