ఐదేళ్ల చిన్నారిపై ఆలయంలో పూజారుల అత్యాచారం.. మిఠాయి ఇచ్చినా.. నొప్పితో?

దేశంలో అఘాయిత్యాలు పెచ్చరిల్లిపోతున్నాయి. కామాంధులు వయోబేధం లేకుండా మహిళలపై అత్యాచారాలకు పాల్పడుతున్నారు. చిన్నారులు రోడ్డుపై కనిపిస్తే చాలు.. ఎత్తుకెళ్లి.. అత్యాచారానికి పాల్పడే వారి సంఖ్య పెరిగిపోతోంది. తాజాగా ఓ చిన్నారిపై కన్నేసిన ఇద్దరు నీచ పూజారులు ఆలయంలోకి తీసుకెళ్లి అత్యాచారానికి పాల్పడ్డారు.

మిఠాయిల ఆశచూపి ఈ అఘాయిత్యానికి ఒడిగట్టారు. ఈ విషయం ఎవరికీ చెప్పొద్దని మిఠాయిలు ఇచ్చి ఇంటి దగ్గర దిగబెట్టారు. అయితే బాలిక నొప్పితో బాధపడటంతో తల్లిదండ్రులు ఆరా తీయగా, అసలు విషయం వెలుగులోకి వచ్చింది.

వివరాల్లోకి వెళితే మధ్యప్రదేశ్‌లోని దాతియా జిల్లాలో ఓ బాలిక(5)పై ఊరిలోని గుడి పూజారులు రాజు పండిత్(55), బతోలీ ప్రజాపతి(45) కన్నేశారు. మిఠాయిలు కొనిస్తామని ఆశ చూపి ఆలయంలోకి తీసుకెళ్లారు.

అనంతరం అత్యాచారం చేశారు. ఈ ఘటన తర్వాత బాధితురాలు ఏడుస్తూ ఉండటంతో మిఠాయిలు కొనిచ్చి ఇంటి వద్ద దించారు. కానీ బాలిక నొప్పితో విలవిల్లాడుతూ ఉండటంతో తల్లి ప్రశ్నించింది. దీంతో అసలు విషయాన్ని బాలిక బయటపెట్టింది. దీంతో వెంటనే చిన్నారి తల్లిదండ్రులు పోలీసులను ఆశ్రయించారు. 

ఈ నేపథ్యంలో నిందితులపై పోక్సో చట్టం కింద కేసు నమోదుచేసిన పోలీసులు అరెస్ట్ చేశారు.  12 ఏళ్లు లేదా అంతకంటే తక్కువ వయసు మహిళలపై అత్యాచారానికి పాల్పడితే మరణశిక్ష విధించే చట్టాన్ని గతేడాది డిసెంబర్‌లో మధ్యప్రదేశ్ ప్రభుత్వం తీసుకువచ్చిన సంగతి తెలిసిందే.

మరి ఈ కామాంధులకు మరణశిక్ష తప్పదని మహిళా సంఘాలు అభిప్రాయపడుతున్నాయి. ఈ ఘటనపై పోలీసులు దర్యాప్తు మొదలెట్టారు.