వివరాల్లోకి వెళితే.. బాధితురాలిని గ్రహణీ రైల్వే స్టేషన్‌లో రైలు నుంచి బయటకులాగి మరీ లైంగికదాడికి ఒడిగట్టారు. నిందితులందరూ ఆమె గ్రామానికి చెందిన వారే. పైగా ఈ విషయాన్ని ఎవరికైనా చెప్తే ఆమె సోదరుడిని హతమార్చుతామని బెదిరించారు. కానీ ఆమె ధైర్యంగా మహిళా పోలీసులకు ఫిర్యాదు చేయడంతో ఈ ఘటన వెలుగులోకి వచ్చింది. ఈ ఘటనపై కేసు నమోదు చేసుకున్న పోలీసులు పరారీలో వున్న నిందితులను అరెస్ట్ చేసేందుకు గాలింపు చర్యలు చేపట్టారు.
ఈ ఘటన నేపథ్యంలో రైళ్లల్లో మహిళలు, విద్యార్థులు, చిన్నారులపై వేధింపులకు పాల్పడేవారికి చెక్‌ పెట్టేందుకు రైల్వే శాఖ సన్నద్ధమవుతున్నది. ఇక నుంచి రైళ్లలో ఆడవారిని వేధిస్తే మూడేండ్ల జైలు శిక్ష విధించేందుకు సిద్ధమైంది. దీనికి సంబంధించి రైల్వే యాక్ట్‌ కింద చర్యలు తీసుకోనుంది.
