గూగుల్ సీఈఓ పిచాయ్ పిచ్చపిచ్చగా అభిమానించే నటి ఎవరో తెలుసా?

గూగుల్ సీఈఓ సుందర్ పిచాయ్ కి ఫేవరెట్ నటి ఉన్నారట. అంతేకాదు ఫేవరెట్ క్రికెటరూ ఉన్నాడట. ఇంతకీ ఎవరువాళ్లు అని ప్రశ్నిస్తే నవ్వుతూ ఆయన చెప్పిన సమాధానాలు. జనవరి 4న భారతదేశం వచ్చిన పిచాయ్ తను విద్యార్థిగా చదువుకున్న ఐఐటి ఖరగ్‌పూర్‌కి వెళ్లారు. అక్కడ ఆయన చదువుకున్న రోజులను గుర్తు చేసుకున్నారు. ఈ సందర్భంగా ఆయన విద్యార్థులతో సంభాషించారు.

తన ఫేవరెట్ హీరోయిన్ దీపికా పదుకునే అని చెప్పారు. అలాగే తనకు విరాట్ కోహ్లి ఆట తీరు నచ్చుతుందని చెప్పుకొచ్చారు. విరాట్ కోహ్లి ఆటను చూసేందుకు ఆసక్తిగా ఉంటానని చెప్పుకొచ్చారు. తన జీవితంలో మొదటిసారిగా కంప్యూటర్ ను చూసింది ఐఐటీ ఖరగ్‌పూర్‌లోనే అని గుర్తుందని అన్నారు.