ప్రధానిజీ.. నాకు కేంద్రమంత్రిగానే బాగుంది. నేను ఈ పదవికి సరిగ్గా సరిపోతాను. నాకు పనులున్నాయి. ముఖ్యమంత్రి పదవి అంటే ఒక రాష్ట్రంలో జరుగుతున్న మొత్తం వ్యవహారాన్ని చక్కబెట్టాలి. అది సాధ్యం కాదు. మీకు నాపై నమ్మకం ఉంది. ఆ నమ్మకం చాలు. ఆ పదవి వద్దంటూ ప్రధానమంత్రి నరేంద్ర మోదీని కేంద్రమంత్రి స్మృతి ఇరానీ కోరారట.
గుజరాత్ ఎన్నికల్లో బిజెపి భారీ విజయం సాధించడంతో ఆ రాష్ట్రానికి ఎవరిని ముఖ్యమంత్రిగా నియమించాలా అని గత కొన్నిరోజులుగా మల్లగుల్లాలు పడుతున్నారు బిజెపి అధినాయకులు. ప్రధాని సొంత రాష్ట్రం, అందులోను అభివృద్ధి బాగా చేయాల్సిన ప్రాంతం. కష్టపడి పనిచేసే వ్యక్తయితేనే గుజరాత్‌ను అభివృద్థి చేస్తారనేది బిజెపి అధినాయకులు ఆలోచన. అయితే ప్రధాని మోదీ మాత్రం స్మృతి ఇరానీనే ముఖ్యమంత్రి చేయాలన్న ఆలోచనలో ఉన్నారు.
