కరోనా వైరస్ కేసులు మళ్లీ పెరిగాయి. తాజాగా పాఠశాలల్లో, కళాశాలల్లో కరోనా వైరస్ కేసులు నమోదవుతున్నాయి. వివరాల్లోకి వెళితే ధార్వాడలోని ఓ మెడికల్ కాలేజీలో 182 మంది విద్యార్థులకు కరోనా పాజిటివ్ నిర్ధారణ అయ్యింది.
క్యాంపస్‌లో ఇటీవల నిర్వహించిన ఫ్రెషర్స్ పార్టీలో విద్యార్థులు, సిబ్బంది, ఉపాధ్యాయులు పాల్గొన్నారు. దీంతో ఈ పార్టీ కాస్త వైరస్ వ్యాప్తికి దారితీసిందని అధికారులు తెలిపారు. కరోనా సోకిన వారందర్నీ క్వారంటైన్ కు తరలించామన్నారు జిల్లా ఆరోగ్య శాఖ అధికారులు. హాస్టల్స్ కూడా మూసివేశామన్నారు.
