మాజీ ఐపీఎస్ అధికారిణి, పుదుచ్ఛేరి లెఫ్టినెంట్‌ గవర్నర్‌ కిరణ్ బేడీ.. ఇటీవ‌ల కాలంలో తన ట్వీట్ల‌తో, అర్ధ‌రాత్రి బైక్ రైడ్ చేయ‌డం.. రాజ‌కీయాలపై తన కామెంట్ల‌తో వార్త‌ల్లో నిలుస్తోన్న విషయం తెలిసిందే. ఈమ‌ధ్య తనను కలిసేందుకు వచ్చిన 11 ఏళ్ళ బాలుడిని తన కుర్చీలోనే కూర్చోబెట్టి వార్త‌ల్లో నిలిచారు.
రాజ్‌ నివాస్‌కు ప్రజల సందర్శనార్థం అనుమతి ఉంది. ఓ కుటుంబం అక్కడికి రాగా.. అదే సమయంలో కిరణ్ బేడీ కార్యాలయంలో ఉన్నారు. విషయం తెలుసుకున్న ఆ కుటుంబ సభ్యులు వెళ్లి ఆమెను కలిశారు. ఆ కుటుంబంలోని బాలుడిని తన కుర్చీలో కూర్చోమని స్వయంగా కిరణ్ బేడీయే అన్నారు. దీంతో, ఆ బాలుడు ఆ కుర్చీలో కూర్చుని ఆనందపడ్డాడు.
