మేఘాలయ హనీమూన్ హత్య కేసు దర్యాప్తులో అనేక కీలక విషయాలు ఒక్కొక్కటిగా వెలుగులోకి వస్తున్నాయి. మేఘాలయకు వెళ్లిన తర్వాత రాజా రఘువంశీ (29), సోనమ్ రఘువంశీ (25)లు బస చేసిన హోటల్‌లో మంగళసూత్రం, ఉంగరం లభించాయని, ఇవే ఆ తర్వాత దర్యాప్తులో నిందితురాలిని పట్టించాయని పోలీసులు తెలిపారు.
మరోవైపు, తన భర్త రాజా రఘువంశీని హత్య చేసేందుకు సోనమ్ మే 23వ జితేంద్ర రఘువంశీ పేరుతో ఉన్న బ్యాంకు ఖాతా నుంచి కిరాయి హంతకులకు చెల్లింపులు చేసినట్టు పోలీసులు గుర్తించారు. తమ కుటుంబ వ్యాపారంలో జూనియర్ ఉద్యోగిగా పనిచేస్తున్న జితేంద్ర రఘువంశీ పేరుతో ఆమె యూపీఏ ఖాతాను తెరిచినట్టు సోనమ్ సోదరుడు గోవింద్ రఘువంశీ వెల్లడించారు.
