మరి లవ్ యట్ ఫస్ట్ సైట్‌లోనే ప్రేమ పుట్టిందంటూ అమ్మాయికి అబ్బాయి చెప్పి ఒప్పించినా.. పెళ్లి చేసుకోవటం మాత్రం కొంత ఆలస్యం అవుతుంది. కానీ ఓ జంటకు మాత్రం ప్రేమతో పాటు పెళ్లి కూడా చకాచకా జరిగిపోయింది. ఆ అమ్మాయిని అతడు తొలిసారి చూడడం, పెళ్లికి ప్రపోజ్ చేయడం, ఆమె ఓకే అనడం.. అంతా ఓ ఫీల్‌గుడ్ మూవీ లవ్ స్టోరీలా సాగిన ఈ ఘటన కోల్‌కతాలో చోటుచేసుకుంది.
హింద్‌ మోటార్ ప్రాంతానికి చెందిన సుదీప్ ఘోషల్‌కి షియోరాఫూలికి చెందిన ప్రతమా బెనర్జీ సోషల్ మీడియా ద్వారా పరిచయం అయింది. మూడు నెలలుగా వీళ్లిద్దరూ సోషల్ మీడియాలో చాటింగ్ చేసుకుంటున్నారు. ప్రతమా తన ఫ్రెండ్స్‌తో కలిసి కోల్‌కతా వచ్చిన సంగతి తెలియడంతో.. తనను కలుసుకోవాలంటూ సుదీప్ మెసేజ్ చేశాడు. దుర్గాష్టమి సందర్భంగా సంతోష్ మిత్రా స్క్వేర్ పూజా మండపం దగ్గర వీళ్లిద్దరూ అనుకోకుండా కలుసుకున్నారు.
