గత మూడేళ్లుగా అమాయక యువతులకు మాయమాటలు చెప్పి ప్యారిస్ నగరానికి అక్రమంగా తరలిస్తున్నట్లు తేల్చారు. పిల్లలకు మంచి విద్య, తల్లిదండ్రుల స్థితిగతుల్లో మార్పులు చేస్తామంటూ నిందితులు ఈ దారుణాలకు పాల్పడుతున్నట్లు పోలీసులు గుర్తించారు. ఈ కేసులో సునీల్ నంద్ వానీ, నర్సయ్య, ముంజలి అనే వ్యక్తులను అరెస్ట్ చేశారు.
14 నుంచి 16ఏళ్ల లోపు మైనర్లను ఫ్రాన్స్‌కు తరలించి అక్కడే 18ఏళ్లు వచ్చే వరకూ ఉంచి.. ఆ తర్వాత ఫ్రెంచ్ పౌరసత్వానికి దరఖాస్తు చేస్తారు ఈ నిందితులు. ఈ కేసులో అరిఫ్ ఫారూకీ అనే కెమెరామెన్, అసిస్టెంట్ కెమెరా మెన్ రాజేష్ షవార్, ఫాతేమా ఫరీధ్‌లను కూడా పోలీసులు అరెస్ట్ చేశారు. యువతులను అక్రమ రవాణా చేయడం వెనుక పెద్ద గ్యాంగ్ ఉందని పోలీసులు తెలిపారు. ఈ కేసుపై దర్యాప్తు వేగవంతం చేశారు.
