రెండు తలలు, మూడు కళ్లతో పుట్టిన దూడ.. (video)

Cow

రెండు తలలు, మూడు కళ్లతో పుట్టిన ఆవు దూడగా అమ్మవారి అవతారంగా భావించి గ్రామస్తులు పూజలు చేస్తున్నారు. ఒడిశాలోని నబరంగపూర్ జిల్లాలో ఈ ఘటన జరిగింది. కుములి పంచాయతీలోని బీజాపూర్ గ్రామానికి చెందిన రైతు ధనిరామ్ రెండేండ్ల కిందట ఒక ఆవును కొన్నాడు. 

గర్భం దాల్చిన ఆ ఆవు ఇటీవల ఒక దూడను ఈనింది. అయితే ఆ దూడకు రెండు తలలు, మూడు కండ్లు ఉన్నాయి. నవరాత్రుల సమయంలో పుట్టిన అరుదైన ఆవు దూడను దుర్గా మాత అవతారంగా గ్రామస్తులు భావించి పూజలు చేస్తున్నారు. ఈ వింత దూడను చూసేందుకు పరిసర ప్రాంతాల జనం ఆ రైతు ఇంటికి క్యూ కడుతున్నారు.

మరోవైపు రెండు తలలు, మూడు కళ్లతో పుట్టిన ఆ దూడ తల్లి పాలు తాగేందుకు ఇబ్బంది పడుతున్నదని రైతు ధనిరామ్‌ తెలిపారు. ఆవు కూడా దూడకు సరిగా పాలు ఇవ్వడం లేదని ఆయన చెప్పారు. దీంతో తాము పాలు కొని ఆ దూడకు తాగిస్తున్నట్లు వెల్లడించారు. కాగా, జన్యు లోపం కారణంగా ఇలా రెండు తలలు, మూడు కళ్ల వంటి దూడలు జన్మిస్తాయని పశువైద్యులు వివరించారు.

People in the locality of Bijapara village have begun worshipping a two headed calf as #Durga Avatar
After it was born with two heads and three eyes on the occasion of #Navratri to a farmer in Odisha's Nabrangpur District. #DurgaPuja @aajtak @IndiaToday pic.twitter.com/tz9i9mpJ0O

— Suffian सूफ़ियान سفیان (@iamsuffian) October 12, 2021