అప్పటివరకు పార్టీలో ఇద్దరే ఇద్దరు నేతలు ఉండడం.. అందులోను పళణిస్వామి, పన్నీరుసెల్వంలు మాత్రమే ముఖ్య నేతలుగా వ్యవహరిస్తుండడం తెలిసిందే. తను ముఖ్యమంత్రిగా ప్రకటిస్తే ఆ కుర్చీలో కూర్చున్న పళణిస్వామి కూడా తనను పార్టీ నుంచి బహిష్కరిస్తుంటే పట్టించుకోకపోవడంపై చిన్నమ్మ కోపంతో ఉన్నారు.
ఇదంతా ఒక్కసారిగా పళణిపై రివేంజ్ తీర్చుకుందామని అనుకున్నారు. కానీ అనూహ్యంగా ఆమె హోసూరు నుంచి తమిళనాడుకు వచ్చారు కానీ రాజకీయాల నుంచి మాత్రం తప్పుకుంటున్నట్లు చెప్పారు. దీంతో పళణిస్వామి, పన్నీరుసెల్వంలు ఊపిరిపీల్చుకున్నారు. ప్రత్యక్ష ఎన్నికల్లోని పళణిస్వామి, పన్నీరుసెల్వంలే వ్యూహ, ప్రతివ్యూహాలు వెళ్ళి చివరికి బోల్తాపడి ఓడిపోయారు.
కొంతమంది పార్టీలో తమ స్వార్థం చూసుకుంటున్నారు. ఇది ఏమాత్రం మంచిది కాదు. పార్టీ కార్యకర్తలు, నాయకుల్లో నూతన ఉత్తేజం తీసుకురావాల్సిన అవసరం ఉంది. మళ్ళీ తమిళప్రజలు అన్నాడిఎంకేను నమ్మాలి.. అలా చేయాల్సిన బాధ్యత నాపై ఉందంటూ చెప్పుకొచ్చారు శశికళ.
అయితే శశికళ మళ్ళీ పార్టీలోకి రావడాన్ని ఏ మాత్రం ఒప్పుకోవడం లేదు పళణిస్వామి, పన్నీరుసెల్వం. ఇది ఇప్పటిది కాదు. ఆమె జైలుకు వెళ్ళినప్పటి నుంచి ఇదే నడుస్తోంది. ఈ నేపథ్యంలో శశికళ ఏ విధంగా వారిని ఎదుర్కొని పార్టీలోకి వెళుతుందన్నది ఆసక్తికరంగా మారుతోంది. కానీ అన్నాడిఎంకేలో తన రాకను కోరుకునే వారు 80 శాతంమంది ఉన్నారని చెబుతోంది శశికళ.
