ఢిల్లీ సిఎం అరవింద్ కేజ్రీ వాల్‌కు నూతన సంవత్సరం తొలి రోజే చేదు అనుభవం ఎదురైంది. గతంలో కూడా ఢిల్లీ సిఎంపై షూ విసరడం, ఇంకు చల్లిన ఘటనలు జరిగాయి. ఈ నేపథ్యంలో జనవరి 1న ఆయనపై ఓ యువకుడు షూ విసిరాడు. హర్యానా రోహ్తక్‌లో ఒక ర్యాలీలో ప్రసంగిస్తుండగా ఈ ఘటన జరిగింది. యువకుడు విసిరిన బూటు సిఎంకు కొంత దూరంలో పడింది.
నోట్ల రద్దును కేజ్రీవాల్ విమర్శిస్తున్న సమయంలో ఆ వ్యక్తి షూ విసిరాడు. దీంతో ప్రధాని మోడీ మద్దతుదారులే ఈ పనిచేశారని కేజ్రీవాల్ ఆరోపించారు. షూ విసిరిన వ్యక్తిని పోలీసులు అదుపులోకి తీసుకున్నారు. పీఎం మోడీ చెంచాలను తనపైకి దాడికి ఉసిగొల్పుతున్నారని కేజ్రీవాల్ ఆరోపించారు. తాను ముందు నుంచి మోడీ పిరికి వ్యక్తి అని చెబుతూ ఉన్నాననే..ఇప్పుడూ అదే చెబుతున్నానని ఆయన విమర్శించారు.
