ఆర్కే నగర్ ఎన్నికల వ్యవహారంలో ఏకంగా ఎన్నికల కమిషన్కే లంచం ఎరచూపి అడ్డంగా దొరికిపోయిన దినకరన్ ఊచలు లెక్కించాడు. అయితే బెయిల్పై బయటికి వచ్చిన టీటీవీ దినకరన్ను అన్నాడీఎంకే పార్టీ నుంచి ఎప్పుడో తొలగించామని రాష్ట్ర ఆర్థిక, మత్స్యశాఖ మంత్రి డి.జయకుమార్ వెల్లడించారు.
‘అమ్మ’ ప్రభుత్వాన్ని ఆదర్శంగా నడిపించే విషయమై సమావేశం నిర్వహించామని, అలాగే శాసనసభ సమావేశాల నిర్వహణ గురించి కూడా చర్చించామని తెలిపారు. ‘అమ్మ’ పాలనను ముఖ్యమంత్రి ఎడప్పాడి పళనిస్వామి ఉత్తమరీతిలో నిర్వహిస్తున్నారని పేర్కొన్నారు. ఐదేళ్ల పాటు పాలనకు ఢోకా లేదన్నారు.