మాస్కులు ధరించకుండానే రోడ్లపైకి రావడం చేస్తున్నారు. అంతేగాకుండా ముగ్గురు ఒకే బైకుపై తిరగడం వంటివి చేస్తున్నారు. అలాంటి వారికి తమిళనాడు, తిరుప్పూరు పోలీసులు చుక్కలు చూపించారు. కరోనా అంటే ఎలా వుంటుందో చుక్కలు కనిపించేలా సినిమా చూపించేశారు.
బైక్‌పై వెళ్తున్న ముగ్గురు యువకులను ఆపి.. కరోనా పేషెంట్‌ ఉన్న అంబులెన్స్‌లోకి ఎక్కించి బుద్ధి చెప్పారు. రోడ్ల మీదకు వచ్చిన వారిని కరోనా రోగి ఉన్న అంబులెన్స్‌, లేదా గదిలో బంధిస్తామని హెచ్చరించారు. ప్రస్తుతం దీనికి సంబంధించిన ఓ వీడియో సోషల్‌ మీడియాలో వైరల్‌గా మారింది. అలా కరోనా రోగి వున్నట్లు ఆంబులెన్స్‌లో ఓ వ్యక్తిని వుంచి.. లాక్ డౌన్‌ను అధిగమించిన ఆ ముగ్గురు యువకులను ఆ ఆంబులెన్స్‌లోని పంపారు.
