తమిళనాడులో బీజేపీ అంటేనే ప్రజలు అంతెత్తున లేస్తారు. నీట్, స్టెర్‌లైట్, కావేరీ, హైడ్రో కార్బన్ పథకాలతో తమిళ ప్రజలు బీజేపీ అంటేనే గుర్రుగా వున్నారు. గత రెండేళ్లుగా వేరే గత్యంతరం లేక కేంద్రంలోని ఎన్డీయే సర్కారుకు మద్దతు తెలిపింది. అన్నాడీఎంకే అధినేత్రి జయలలిత వున్న కాలంలో బీజేపీని ఏమాత్రం ఆమె లెక్క చేసేది కాదు.
ఇక డీఎంకే గురించి ప్రత్యేకంగా చెప్పాల్సిన అక్కర్లేదు. ప్రధాని మోదీ తమిళనాడుకు వచ్చినప్పుడల్లా నల్ల జెండాలను చేతిలో పట్టుకుని నిరసన వ్యక్తం చేశారు. మోదీ అంటేనే తమిళ ప్రజలకు, తమిళనాడులోని రాజకీయ పార్టీలకు పడదు. తాజాగా 17వ పార్లమెంట్ ఎన్నికల్లో మోదీకి వ్యతిరేకంగా తీర్పునిచ్చారు.
