ఈ వివరాలను పరిశీలిస్తే... కేంద్ర కుటుంబ సంక్షేమ శాఖ సహాయ మంత్రిగా ఉన్న అనుప్రియ యూపీలోని ఔరాయ్, మీర్జామురాద్ అనే ప్రాంతాల మధ్య కారులో ప్రయాణిస్తుండగా ముగ్గురు దుండగులు తనును వేధించినట్లు ఆమె ఆ రాష్ట్ర పోలీసులకు ఫిర్యాదు చేశారు. నంబరు ప్లేట్‌లేని కారులో వచ్చిన ఈ దుండగులు తన వాహనశ్రేణిని దాటేందుకు ప్రయత్నిస్తూ, తనపై అసభ్యకరమైన వ్యాఖ్యలు చేశారని, తన భద్రతా సిబ్బందితో అనుచితంగా ప్రవర్తించారని పేర్కొన్నారు.
మంత్రి అనుప్రియా పటేల్ ఈ ఫిర్యాదును వారణాసి ఏఎస్పీ ఆర్‌.కె. భరద్వాజ్‌కు సమర్పించారు. భరద్వాజ్ తక్షణమే స్పందించి, నిందితుల కోసం గాలింపు ప్రారంభించారు. మీర్జామురాద్ పోలీసులు ఈ దుండగులను అరెస్టు చేసి, వారి కారును స్వాధీనం చేసుకున్నారు.
