అందంగా కనిపించడానికి నానా తంటాలు పడుతున్నారా.? ఇపుడు వాడుతున్న సబ్బులు, క్రీములు రాసుకుని విసిగెత్తిపోయారా? ఇకపై మీకు ఎలాంటి సమస్యా ఉండదు. ఇదిగో ఇక్కడ గోమూత్రం ఉంది. అది రాసుకుంటే చాలు.. అందంగా మెరిసిపోవచ్చు. ఈజిప్టు రాణి క్లియోపాత్రలా తళతళ మెరవచ్చు. ఈ విషయాన్ని గుజరాత్ ప్రభుత్వం ఆధ్వర్యంలోని గుజరాత్ వికాస్ బోర్డ్ ఇదే చెబుతోంది.
మహిళలు ఈజిప్టు రాణి క్లియోపాత్రలా అందంగా కనిపించాలంటే గోమూత్రం, పేడలతో తయారు చేసిన 'పంచగవ్య' ఉత్పత్తులను వినియోగించాలని గుజరాత్ వికాస్ బోర్డు విస్తృతంగా ప్రచారం చేస్తోంది. పంచగవ్య డార్క్‌ సర్కిల్స్‌, బ్లాక్‌ స్పాట్స్‌, మొటిమలను తొలగిస్తుందని చెపుతోంది.
ప్రపంచలోనే అందగత్తె అయిన క్లియోపాత్ర ప్రతిరోజూ ఆవు పాలతో స్నానం చేసేవారని 'ఆరోగ్య గీత' అనే పేరుతో విడుదల చేసిన సలహాల్లో తెలిపింది. అయితే, ఆవు మూత్రం, పేడలకు జబ్బులను నయం చేయగల శక్తి ఉందని చెప్పింది. 108 సాధారణ జబ్బుల నుంచేకాకుండా ఎయిడ్స్‌, కేన్సర్‌ వంటి ప్రాణాంతక వ్యాధుల నుంచి రక్షణ పొందాలంటే సహజ సిద్ధమైన ఉత్పత్తులనే వినియోగించాలని సూచన చేసింది.
