కానీ దశాబ్దాలు మహిళా రిజర్వేషన్ల బిల్లు మాత్రం పార్లమెంట్ గడప దాటడం లేదు. ఆ సుదీర్ఘ నిరీక్షణకు మోక్షం ఎప్పుడో పాలకులకే తెలియాలి. పైకి మాత్రం అన్ని పార్టీల నేతలు మహిళా బిల్లును తక్షణం పార్లమెంటులో ప్రవేశపెట్టి ఆమోదముద్ర వేయించాలని ప్రగల్భాలు పలుకుతున్నారు. కానీ, చేతల్లో మాత్రం చురుకుదనం చూపించడం లేదు. మహిళా బిల్లును సభలో ప్రవేశపెట్టినపుడల్లా ఏదో ఒక పార్టీకి చెందిన సభ్యులు అడ్డుకుంటున్నారు. ఫలితంగా ఈ బిల్లు మళ్లీ అటెకెక్కుతుంది.
