తాజాగా వెలుగులోకి వచ్చిన ఈ వివరాలను పరిశీలిస్తే, జరార్ బ్లాక్ ప్రాంతానికి చెందిన ఓ యువకుడు అదే ప్రాంతానికి చెందిన ఓ యువతిని ప్రేమిస్తూ వచ్చాడు. ఈ క్రమంలో రెండు వారాల కిందట యువతి కుటుంబ సభ్యులు ఆమెకు వేరొక వ్యక్తితో పెండ్లి ఖరారు చేశారు.
గర్ల్‌ఫ్రెండ్‌పై కోపం పెంచుకున్న నిందితుడు ఆమెతో పాటు ఆమె తల్లిపై కత్తితో దాడి చేశాడు. అడ్డగించిన బాధితురాలి వదిననీ కత్తితో గాయపరిచాడు. బాధితురాలు, ఆమె తల్లి నిద్రిస్తుండగా టెర్రస్‌పై నుంచి లోపలికి ప్రవేశించిన నిందితుడు ఈ దారుణానికి ఒడిగట్టాడని పోలీసులు తెలిపారు.
ప్రియురాలితో గత ఏడాదిగా నిందితుడు గోవింద్‌కు సంబంధం ఉందని దర్యాప్తులో వెల్లడైందని ఐజీ సతీష్‌ గణేష్‌, ఎస్‌ఎస్పీ బబ్లూ కుమార్‌ వెల్లడించారు. నిందితుడిని అరెస్టు చేసేందుకు పలు బృందాలను నియమించామని కేసు నమోదు చేసి దర్యాప్తు ముమ్మరం చేశామని వారు తెలిపారు.
