మాఘమాసంలో ప్రాతఃకాలంలో చేసే స్నానాలకు మంచి ఫలితం వుంటుంది. మాఘమాసాన్ని కుంభమాసం అని కూడా అంటారు. ఈ నెలలో ముల్లంగిని కొందరు తినరు. మాఘ మాసంలో నువ్వులను, పంచదార లేదా బెల్లంతో కలిపి తినాలట. నువ్వులను మాఘమాసంలో దానం చేసేవారికి పితృదోషాలు వుండవు. ఇంకా పితృదేవతలను సంతృప్తిపరిచిన వారవుతారని పండితులు చెప్తున్నారు.
ఇంకా ఫిబ్రవరి 12న వచ్చే రథ సప్తమి రోజున సూర్యుడిని నమస్కరించాలి. కేవలం నమస్కారం చేతనే సూర్యుడు సంతృపి చెందుతాడట. ఈ రోజున చిక్కుడుకాయలతో రథం చేసి కొత్త బియ్యంతో పాయసాన్ని వండి చిక్కుడు అకులలో పెట్టి సూర్యునికి నివేదన చేయడం ఆచారం. ఈ రోజున రథాన్ని ఎక్కి ప్రయాణాన్ని ప్రారంభించిన రోజు. ఈ రోజు నుంచి ఉత్తరాయణం ప్రారంభమవుతుంది.
ఇకపోతే.. భీష్మాష్టమి.. ఫిబ్రవరి 13వ తేదీ (బుధవారం) వస్తోంది.
"మాఘమానస్యచాష్టమ్యాం శుక్ల పక్షేచ పార్థివ!
