కలలో పాములు ఇతర విష సంబంధిత జంతువులు భయపెడితే.. గరుడునిపై కూర్చున్న శ్రీ మహావిష్ణువు పటాన్ని పూజించడం చేయాలి. లేకుంటే ఆలయంలో వున్న గరుడాళ్వారునికి నెయ్యి దీపం వెలిగించి స్తుతిస్తే మంచి ఫలితాలుంటాయి. ఇంకా విష సర్పాలు, ఇతరత్రా విష జంతువులు కలల్లోకి రావు.
వ్యాధులు, రోగాలకు సంబంధించిన కలలు వస్తే.. ధన్వంతరి భగవానుడి మంత్రాన్ని పఠిస్తే.. ధన్వంతరికి పూజ చేయిస్తే సరిపోతుంది. ఇంకా ఆంజనేయ స్వామిని కూడా స్తుతిస్తే అలాంటి కలలు రావు. ఇంకా ఆయురారోగ్యాలు చేకూరుతాయి.
విద్యాభ్యాసానికి అడ్డు కలిగేలా కలలు వస్తే.. సరస్వతీ దేవి, హయగ్రీవ మంత్రాలను పఠించడం ద్వారా మంచి ఫలితాలు వుంటాయి. అలాగే పితృదేవతలు అంటే మరణించిన ఇంటి పెద్దలు కలలోకి వస్తే.. శ్రీ మహా విష్ణువుకు ఏకాదశి వ్రతమాచరించి.. ప్రదక్షణలు పూర్తి చేయాలి. ఇంటిదేవతా పూజ చేయాలి. పితృదేవతలకు అమావాస్య రోజున తర్పణాలు ఇవ్వడం.. వారిని తలచి దుస్తులు, ఆహారం సమర్పించడం మంచి ఫలితాలను ఇస్తుంది.
