నవంబర్ 4న కోటి సోమవారం. ఈ పుణ్యప్రదమైన రోజువు తెలుగు రాష్ట్రాల్లో ప్రజలు అట్టహాసంగా జరుపుకుంటున్నారు. శివాలయాలన్నీ నమశ్శివాయ అనే పంచాక్షరి మంత్రంతో మారుమోగుతున్నాయి. సాధారణంగా కార్తీక మాసంలో ప్రతిరోజు పవిత్రమైనదే. అదీ సోమవారం, శ్రవణ నక్షత్రం రావడంతో ఆ రోజును కోటి సోమవారం వ్యవహరిస్తారు.
నవంబర్ 4 సోమవారం రోజున శివాలయ సందర్శనం, అభిషేకం, ఉపవాసం లేదా నక్తం లేదా ఏకభుక్తం ఎవరి శక్తి అనుసారం వారు చేస్తే మంచిది. అదేవిధంగా ఈ రోజు దీపారాధన, ఆకాశదీప దర్శనం, దానాలు, ధర్మాలు చేస్తే ఆ ఫలితం రెట్టింపు అవుతుందని పురాణాలు చెప్తున్నాయి.
ఇంకా ఆలయాల్లో శివునికి అభిషేకం చేయించడం, నేతితో దీపమెలిగించడం ద్వారా సకలసంపదలు చేకూరుతాయి. పార్వతీపరమేశ్వరులను స్తుతిస్తూ నేతితో దీపమెలిగించే వారికి అనుకున్న కార్యాలు దిగ్విజయంగా పూర్తవుతాయి. ఇంకా పుణ్యఫలం చేకూరుతుందని పండితులు చెప్తున్నారు.
