బతుకమ్మ అనేది మహిళలు జరుపుకునే పూల పండుగ. ఇది కేవలం పండుగ మాత్రమే కాదు, తెలంగాణ ఆత్మ.. అని పర్యాటక మంత్రి జూపల్లి కృష్ణారావు అన్నారు. ఈ వేడుకలు సెప్టెంబర్ 21 నుండి 30 వరకు జరుగుతాయి. వరంగల్‌లోని వెయ్యి స్తంభాల ఆలయం వద్ద ప్రారంభమై ట్యాంక్ బండ్ వద్ద గ్రాండ్ పూల కవాతు, పూల హోలీతో ముగుస్తాయి.
సెప్టెంబర్ 28న, ఎల్బీ స్టేడియంలో కనీసం 10,000 మంది మహిళల భాగస్వామ్యంతో రికార్డు ప్రయత్నం జరుగుతుంది. కొత్త పర్యాటక విధానం ప్రకారం, ప్రభుత్వం రాబోయే ఐదు సంవత్సరాలలో ఈ రంగంలోకి రూ. 15,000 కోట్ల పెట్టుబడులను ఆకర్షించాలని, కనీసం మూడు లక్షల మందికి ఉపాధి కల్పించాలని లక్ష్యంగా పెట్టుకుందని పర్యాటక మంత్రి జూపల్లి కృష్ణారావు తెలిపారు.
