తిరుమల శ్రీవారి బ్రహ్మోత్సవాలు అక్టోబర్‌ 3వ తేదీ నుంచి జరుగనున్నాయి. బ్రహ్మోత్సవాలకు సంబంధించిన సమన్వయ కమిటీ సమావేశం తిరుమలలోని అన్నమయ్య భవన్‌లో జరిగింది. తితిదే ఈఓతో పాటు ఇద్దరు జెఈఓలు, తితిదే అధికారులు సమావేశంలో పాల్గొన్నారు. శ్రీవారి బ్రహ్మోత్సవాలకు జరిగే 9 రోజుల్లో తిరుమలకు వచ్చే భక్తుల కోసం 7 లక్షల లడ్డూలను అందుబాటులో ఉంచనున్నట్లు తితిదే ఈఓ సాంబశివరావు మీడియాకు తెలిపారు.
2వ తేదీ అంకురార్పణతో బ్రహ్మోత్సవాలు ప్రారంభం కానున్నాయని, 11వ తేదీ వరకు రోజుకు ఒక్కో వాహనంపై స్వామివారిని విహరిస్తూ భక్తులకు దర్శనమివ్వనున్నారని తెలిపారు. బ్రహ్మోత్సవాల సమయంలో ఆర్జిత సేవలతో పాటు విఐపి దర్శనాలన్నింటినీ రద్దు చేశామన్నారు.
