అండమాన్ దీవులకు అరుదైన యునెస్కో గుర్తింపు లభించింది. ప్రపంచ జీవావరణ నిధిగా అండమాన్ దీవులను యునెస్కో గుర్తించింది. దీనివల్ల అండమాన్ దీవులలో జీవావరణ పరిరక్షణకు యునెస్కో తనవంతు నిధుల సహకారం అందిస్తుంది. దీంతో ఇలా గుర్తింపు పొందిన ప్రాంతాలు మనదేశంలో మొత్తం తొమ్మిదికి చేరాయి.
అండమాన్‌తో పాటు మరో 11 ప్రాంతాలను జీవావరణ రక్షిత ప్రాంతాలుగా యునెస్కో తాజాగా తన జాబితాలో చేర్చింది. అండమాన్ దీవులు 1800 జంతువులు, అరుదైన గిరిజన జాతులకు ఆలవాలంగా ఉండడం వల్లే ఈ ప్రత్యేక గుర్తింపు లభించింది.
