రియో ఒలింపిక్స్‌ అథ్లెట్లకు జికా వైరస్ భయం.. కండోమ్స్ కోసం పోటాపోటీ!

రియో ఒలింపిక్స్‌లో పాల్గొనే క్రీడాకారులకు జికా వైరస్ బెంగ పట్టుకుంది. జికా కారణంగా టాప్ గోల్ఫర్లతో పాటు స్టార్ అథ్లెట్లలో కొందరు ఇప్పటికే రియోలో ఆడలేమంటూ తప్పుకుంటున్నారు. 

ఈ పరిస్థితుల్లో ఈ వైరస్ నుంచి అప్రమత్తంగా ఉండేందుకు మెక్సికో దేశం తమ అథ్లెట్ల కోసం యాంటీ జికా కిట్‌ను అందజేయనుంది. ఈ కిట్‌లో దోమల నివారిణి, బ్యాక్టీరియాను నిరోధించే హ్యాండ్ జెల్‌తో పాటు కండోమ్స్ ఉన్నాయి. 

జికా వైరస్ ప్రధానంగా ఓ రకమైన దోమకాటుతో పాటు సురక్షితం కానీ శృంగారం ద్వారా వ్యాప్తి చెందే అవకాశమున్నందునే ఈ కిట్‌లో కండోమ్స్‌ను కూడా ఉంచినట్లు మెక్సికో ప్రభుత్వం తెలిపింది.