టెన్నిస్ రారాజులు రఫెల్ నాదల్, రోజర్ ఫెదరర్‌ల మ్యాచ్ అంటేనే టెన్నిస్ అభిమానులకు బిగ్ ట్రీట్. ప్రస్తుతం లావర్ కప్‌లో ఒకే జట్టు తరపున వీరిద్దరూ పోరాడుతున్నారు. తొలి మ్యాచ్ తర్వాత లావర్ కప్ నిర్వాహకులు ఏర్పాటు చేసిన కార్యక్రమంలో ఫెదరర్, రఫెల్ నాదల్ పాల్గొన్నారు. ఇందులో రఫెల్ నాదల్‌ను వేదిక మీదికి ఆహ్వానించే బాధ్యతను రోజర్ ఫెదరర్ తీసుకున్నాడు.
కాగా.. గత 13 సంవత్సరాల్లో రఫెల్ నాదల్, రోజర్ ఫెదరర్ 37 సార్లు పోటీ పడ్డారు. మ్యాచ్‌ల్లో ప్రత్యర్థులైనా.. ఇంటర్వ్యూల్లో మాత్రం వీరిద్దరూ ఒకరిపై ఒకరు పొగిడేసుకుంటారు. అలాంటిది ఎప్పుడూ ప్రత్యర్థులుగా తలపడే వీరిద్దరూ లావర్ కప్‌లో మాత్రం ఒకే జట్టు తరపున పోరాడుతుండటం విశేషం.
