"ఖర్జూరం కుడుములు" షుగర్ ఉన్నా లాగించేయవచ్చు..!

కావలసిన పదార్థాలు :
బియ్యం రవ్వ.. ఒక కప్పు
పెసరపప్పు.. పావు కప్పు
ఖర్జూరం.. ఒక కప్పు
కొబ్బరికాయ.. సగం
నెయ్యి.. 50 గ్రా.
యాలకుల పొడి.. కాస్తంత
మంచినీరు, పాలు.. 3 కప్పులు

తయారు చేయు విధానం :
ముందుగా ఒక గ్లాసు బియ్యపు రవ్వకి మూడు గ్లాసుల నీరు, పాలు కలిపి ఎసరు పెట్టుకోవాలి. నీరు మరుగుతున్నప్పుడు పెసరపప్పును వేయాలి. నీరు బాగా మరిగిన తర్వాత బియ్యపు రవ్వని పోసి ముద్దకాకుండా కలుపుకోవాలి. ఈ మిశ్రమం ఉడికిన తర్వాత పక్కన పెట్టుకోవాలి. ఖర్జూరాన్ని చిన్న చిన్న ముక్కలుగా కోసి మిక్సీలో వేసి మెత్తగా చేసుకోవాలి. మెత్తగా అయిన ఖర్జూరంలో కొబ్బరి తురుము, యాలకుల పొడి, నెయ్యి వేసి కలపాలి.

ఈ మొత్తం మిశ్రమాన్ని ఉడికించిన బియ్యపు రవ్వలో కలపాలి. తర్వాత దీన్ని చిన్న చిన్న ముద్దలు రవుండుగా కాని, కోలగా కానీ ఒత్తుకోవాలి. ఆ తర్వాత వీటిని కుక్కర్‌లో ఆవిరి మీద 10 నిమిషాలు ఉడకనివ్వాలి. ఇది షుగర్ పేషంట్లకు కూడా మంచింది. స్వీట్ కుడుములు వద్దనుకునేవారు ఖర్జూరాన్ని కలుపుకోకుండా హాట్ కుడుములు కూడా చేసుకోవచ్చు.