చెన్నమనేని పౌరసత్వంపై గతంలో కాంగ్రెస్ నేత, ప్రభుత్వం విప్ ఆది శ్రీనివాస్ హైకోర్టులో పిటిషన్ దాఖలు చేశారు. జర్మనీ పౌరసత్వం కలిగి ఉండి తప్పుడు పత్రాలతో ఎన్నికల్లో పోటీ చేశారంటూ ఆయన పేర్కొన్నారు. ఈ అంశంపై కోర్టులో ఆది శ్రీనివాస్ సుధీర్ఘకాలం న్యాయపోరాటం చేశారు.
పలు ధపాలుగా విచారణ చేపట్టిన ఉన్నత న్యాయస్థానం చెన్నమనేని రమేష్‌కు జర్మనీ పౌరసత్వం ఉన్నట్టు తేల్చింది. తప్పుదోవ పట్టించినందుకు ఆయనకు జరిమానా విధించింది. పిటిషనర్ ఆది శ్రీనివాస్‌కు రూ.25 లక్షలు న్యాయసేవాధికార సంస్థకు రూ.5 లక్షలు ఇవ్వాలని ఆదేశించగా, ఈ చెక్కులను చెన్నమనేని శ్రీనివాస్ సోమవారం హైకోర్టుకు అందజేశారు.
