హైదరాబాదు లోని కుత్బుల్లాపూర్ పేట బషీరాబాద్ పోలీసు స్టేషను పరిధిలో వుంటున్న రియల్ ఎస్టేట్ వ్యాపారి వేణుగోపాల్ రెడ్డి అప్పుల బాధతో ఆత్మహత్య చేసుకున్నాడు. రెండేళ్ల క్రితం గుండ్ల పోచంపల్లిలో ఈయన అపార్టుమెంట్ నిర్మించాడు. ఇందుకుగాను బ్యాంకుల్లో లోన్లు తీసుకున్నాడు. సకాలంలో చెల్లించలేక మరికాస్త ఎక్కువ వడ్డీకి ప్రైవేట్ బ్యాంకుల్లో కూడా రుణం తీసుకున్నాడు.
ఐతే రియల్ ఎస్టేట్ వ్యాపారం మందకొడిగా వుండటంతో అనుకున్న సమయానికి ఫ్లాట్స్ అమ్ముడవలేదు. దీనితో తీవ్రమైన ఒత్తిడికి గురయ్యాడు. ఇక అప్పులవాళ్ల నుంచి విపరీతమైన ఒత్తిళ్లు వస్తుండటంతో ఆత్మహత్యకు పాల్పడ్డాడు. తన మరణానికి కారణం ఆర్థిక ఇబ్బందులే అని సూసైడ్ నోట్ రాసి పెట్టాడు. కేసు నమోదు చేసుకున్న పోలీసులు దర్యాప్తు చేస్తున్నారు.
