ఆసియాలోనే అతిపెద్దదిగా ప్రసిద్ధిగాంచిన గడ్డిఅన్నారం పండ్ల మార్కెట్‌కు కొత్తపేటతో ఉన్న మూడున్నర దశాబ్దాల అనుబంధం వీడనుంది. చైతన్యపురి, కొత్తపేట ప్రాంతాలకు ల్యాండ్‌మార్క్‌గా ఉన్న గడ్డిఅన్నారం వ్యవసాయ మార్కెట్‌ కొహెడకు తరలిపోనుంది.
నాడు నగర శివారు ప్రాంతంగా ఉన్న కొత్తపేట కాలక్రమేణా నగరంలో కలిసి రద్దీ ప్రాంతంగా మారింది. మామిడి, బత్తాయి సీజన్‌లలో మార్కెట్‌కు ప్రతిరోజూ ఐదారు వందల లారీలు వస్తుంటాయి. దీంతో మార్కెట్‌కు ఇరువైపులా కిలోమీటరు మేర వాహనాలు రోడ్లపై బారులు తీరుతుంటాయి.
అయితే గాలివాన బీభత్సానికి షెడ్లు నేలమట్టం కావడంతో తిరిగి గడ్డిఅన్నారం మార్కెట్‌లో క్రయ,విక్రయాలు చేపట్టారు. అయితే మంత్రి మండలి తాజా ఆమోదంతో త్వరలోనే మార్కెట్‌ తరలింపు పనులు మొదలుపెట్టే అవకాశాలున్నాయి.
