హైద‌రాబాదు: తెలంగాణ రాజకీయాల్లో ఓ స‌రికొత్త సంచ‌ల‌నం జ‌ర‌ుగ‌నుందా? ప్ర‌స్తుత కాంగ్రెస్ ఎమ్మెల్యే, మాజీ మంత్రి డీకే అరుణ టీఆర్ఎస్‌లోకి జంప్ చేయ‌నున్నార‌ని స‌మాచారం. ఆమెకు కేసీఆర్ కేబినెట్‌లో కీల‌క‌మైన హోం శాఖ కూడా ద‌క్క‌నుంద‌ని తెలుస్తోంది. దీనికి టీఆర్ఎస్ కీల‌క నాయ‌కులు కూడా సుముఖంగానే ఉన్నార‌ని స‌మాచారం.
గ‌డచిన కాంగ్రెస్ ప్ర‌భుత్వ హ‌యాంలో ఉమ్మ‌డి రాష్ట్రంలో మంత్రిగా ప‌ని చేసిన డికె. అరుణ, ప్ర‌స్తుతం కాంగ్రెస్ పార్టీలో అంత యాక్టివ్‌గా లేరు. పైగా ఆమె ఇటీవ‌ల తెలంగాణాలో టిఆర్ఎస్ పాల‌న‌పై పాజిటివ్‌గా స్పందిస్తున్నారు. దీనికితోడు టీఆర్ఎస్ లోని అంత‌ర్గ‌త స‌మీక‌ర‌ణాల ప్ర‌కారం... డికె అరుణ‌ను పార్టీలోకి కేసీఆర్ ఆహ్వానిస్తున్న‌ట్లు తెలుస్తోంది. ప్ర‌స్తుతం హోం మంత్రిగా నాయ‌ని న‌ర‌సింహారెడ్డి ఉన్నారు. ఆయ‌నకు వేరే శాఖ అప్ప‌గించి, అరుణ‌కు హోం అప్ప‌గించాల‌నే ప్ర‌తిపాద‌న కూడా బ‌లంగా వినిపిస్తోంది. రాజకీయాల్లో ఏదైనా జరుగవచ్చు కదా.
